Հայաստանում օդի ջերմաստիճանը կբարձրանա
Այսօր և վաղը Հայաստանում տեղումներ չեն գրանցվի։ Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Առանձին վայրերում սպասվում է քամու ուժգնացում 12-15 մ/վ: «Օդի ջերմաստիճանը ցերեկն աստիճանաբար կբարձրանա 4-7 աստիճանով»,– ասված է հաղորդագրությունում:
Լոռիում, Արարատում, Վայոց Ձորում օդի ջերմաստիճանն այսօր կհասնի +20-ի, իսկ Տավուշում ու Սյունիքում` +24-ի։
Երևանում ցերեկային ժամերին կգրանցվի 17-19 աստիճան տաքություն։
