ՏԵՍԱՆՅՈՒԹ. Բելգիացի ֆերմերները տրակտորներով կրկին արգելափակել են Բրյուսելի կենտրոնը

Եվրոպացի բազմաթիվ ֆերմերներ ապստամբություն են սկսել  Բրյուսելում: Հարյուրավոր տրակտորներով ֆերմերները դուրս են եկել փողոց` ի նշան բողոքի:  

Նրանք դժգոհում են ֆերմերներին ոչնչացնելու, նրանց սնանկացնելու և հողերը խլելու  քաղաքականության դեմ:

Մեկ շաբաթ առաջ նրանք կրկին  փակել էին քաղաքի կենտրոնական փողոցները և պահանջում  չեղյալ հայտարարել տասնյակ ֆերմերային տնտեսությունների փակումը նախատեսող ծրագիրը: 

Բողոքի ակցիաների կազմակերպիչները հայտարարել են, որ մայրաքաղաքում ակցիային մասնակցում է ավելի քան 3 հազար տրակտոր, ոստիկանությունը օրվա կեսին հաշվել է 2700-ը: 

Բողոքի ակցիաների պատճառ է դարձել այսպես կոչված «Ազոտ պլանը», որը մշակվել է Ֆլանդրիայի կառավարության կողմից: Այն նախատեսում է մինչև 2025 թվականը փակել ավելի քան 40 ֆերմերային տնտեսություն՝ շրջակա միջավայրի պաշտպանության նկատառումներից ելնելով, այդ թվում՝ Եվրամիության պահանջներին համապատասխան։