ՏԵՍԱՆՅՈՒԹ. Բախումներ Իսրայելում. ոստիկանների և ցուցարարների նյարդերը տեղի են տվել
Իսրայելում դատաիրավական բարեփոխումների դեմ լայնածավալ բողոքի ցույցեր են տեղի ունենում, բախումներ են սկսվել նաև ոստիկանության հետ։
Մեծ թվով մարդիկ Թել Ավիվում կառավարական համալիրի մոտ արգելափակել են հիմնական մայրուղու հատվածը և ծածանում են Իսրայելի դրոշները: Ցուցարարները իշխանություններից պահանջում են չխախտել Իսրայելի Անկախության հռչակագրի հիմքերը, որով որոշվել է պետության ժողովրդավարական բնույթը։
Հանրահավաքներն անցկացվում են արդեն իններորդ շաբաթն անընդմեջ։
Բազմահազարանոց բողոքի ցույց է սկսվել Խաբիմի կենտրոնական հրապարակում, որից հետո ցուցարարների ամբոխը երթով շարժվել է դեպի կառավարական համալիր:
Ցույցեր են տեղի ունեցել բազմաթիվ խոշոր քաղաքներում՝ Թել Ավիվ, Երուսաղեմ, Հայֆա, Բերշեբա, Նեթանյա։
