ՏԵՍԱՆՅՈՒԹ. Իսրայելում զանգվածային ցույցերը շարունակվում են
Գիշերը Թել Ավիվում բողոքի ցույցեր են տեղի ունեցել ընդդեմ դատաիրավական բարեփոխումների: Ցուցարարները դուրս են եկել ոստիկանների դեմ, որոնք էլ իրենց հերթին գազ են կիրառել:
Թել Ավիվում արդեն 9-րդ շաբաթն է ինչ շարունակվում են բողոքի ցույցերը ընդդեմ դատաիրավական բարեփոխումների։ Մարդիկ ամեն շաբաթ օր դուրս են գալիս փողոց։ Մասնավորապես, փոփոխությունները նախատեսում են կառավարությանն ավելի մեծ լիազորություններ և սահմանափակում են Գերագույն դատարանի լիազորությունները՝ չեղյալ համարելով օրենքները:
Այս գիշեր փողոց է դուրս եկել 140 հազար մարդ, ովքեր կարողացել են ճեղքել ոստիկանական շղթան։ Արդյունքում, իրավապահները ստիպված են եղել հատուկ տեխնիկա կիրառել՝ ցուցարարներին ցրելու համար, թեեւ նրանց հաջողվել է բերման ենթարկել ընդամենը չորս հոգու։
