Իրանում բնակիչները դուրս են եկել բողոքի` դպրոցներում աղջիկների թունավորումների պատճառով

Թեհրանում եւ Իրանի մի շարք այլ քաղաքներում բնակիչները փողոց են դուրս եկել անհայտ թունավոր նյութով աշակերտուհիների մի շարք թունավորումների պատճառով, գրում է Reuters-ը։

Նշվում է, որ աղջիկները դժգոհում են սրտխառնոցից ու գլխացավերից։ Զոհերի թվում արդեն մի քանի հարյուր մարդ կա, իսկ թունավորման դեպքեր են գրանցվել Իրանի 31 նահանգներից 10-ի 30 դպրոցներում։

Ավելի վաղ ԵՄ-ն ընդլայնել էր անձնական պատժամիջոցներն Իրանի այն անձանց և կազմակերպությունների նկատմամբ, որոնք ներգրավված են այս երկրում բողոքի ցույցերը ճնշելու մեջ։

Պատժամիջոցների ցուցակում ավելացվել է ավելի քան 30 անձ, այդ թվում՝ Իրանի մշակույթի և կրթության նախարարները, ինչպես նաև երկու կազմակերպություններ, որոնք կապված են Իրանի իրավապահ մարմինների հետ։

Իրանի մշակույթի նախարար Մուհամեդ Իսմայիլին, ով ներգրավված է եղել իշխանությունների քաղաքականությանը չաջակցող արվեստագետների հասցեին սպառնալիքների մեջ, ներառվել է պատժամիջոցների ցուցակում։ Ցուցակում էր նաև կրթության նախարար Յուսեֆ Նուրին, ով մեղադրվում է ուսանողների նկատմամբ ոտնձգությունների մեջ: