Թուրքիայում երկրաշարժեր կանխատեսած սեյսմոլոգը զգուշացրել է, թե որ երկրին է վտանգ սպառնում

Թուրք հայտնի սեյսմոլոգ Նաջի Գյորյուրը, ով փետրվարի 6-ին երկրաշարժեր էր կանխատեսել, զգուշացրել է Կիպրոսում և թուրքական Բինգյոլ ու Ադանա նահանգներում նոր հզոր երկրաշարժերի վտանգի մասին։

Դեռևս 2022 թվականի ապրիլին թուրք սեյսմոլոգ, Թուրքիայի Գիտությունների ակադեմիայի անդամ, պրոֆեսոր Նաջի Գյորյուրը մի քանի կիլոմետր ճշտությամբ կանխատեսել էր փետրվարի 6-ին Թուրքիայի հարավ-արևելքում տեղի ունեցած երկրաշարժի էպիկենտրոնը։

Գիտնականի խոսքով՝ երկրաշարժի դեպքում էներգիան ազատվում է խզվածքի մի ծայրում, էներգիայի մի մասը փոխանցվում է մյուս ծայրին։

«Քահրամանմարաշի երկրաշարժերից հետո մենք զգուշացրել ենք Ադանայում և Հաթայում երկրաշարժերի հնարավորության մասին: Բինգոլ նահանգում, բացառությամբ Կարլիովա և Գյոյնուկ բնակավայրերի, արդեն ազատ է արձակվել Արևելյան Անատոլիայի խզվածքի էներգիան: Ես ակնկալում եմ Ադանայի երկրաշարժը, եթե դա տեղի ունենա, ապա էներգիայի զգալի մասը կթողարկվի, և ճեղքը «կլռի»,-ասել է Գյորյուրը TGRT-ին։