ՏԵՍԱՆՅՈՒԹ․ Թուրքիայում այսօրվա երկրաշարժի ցնցման ուժգնությունը կազմել է 8-9 բալ
Փետրվարի 20-ին ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 36.13⁰ և արևելյան երկայնության 36.04⁰ աշխարհագրական կոորդինատներով Թուրքիա՝ Հաթայ քաղաքից 13 կմ հարավ-արևմուտք, օջախի 10 կմ խորությամբ, 6․4 մագնիտուդով երկրաշարժ:
Հայտնում են ՀՀ ԱԻՆ Սեյսմիկ պաշտպանության տարածքային ծառայությունից։
Էպիկենտրոնային գոտում ստորգետնյա ցնցման ուժգնությունը կազմել է 8-9 բալ:
Համացանցում տարածվում են երկրաշարժի սկիզբը ֆիքսած տեսանյութեր։ Վերջին տվյալներով՝ ցնցումների հետևանքով մեկ կին մահացել է, ութ մարդ վիրավորվել։
Հիշեցնենք, որ այսօր գրանցված երկրաշարժերի հետևանքով ավերածություններ են եղել նաև Սիրիայում, կան տուժածներ։
