ՏԵՍԱՆՅՈՒԹ․ Թուրքիայում նոր երկրաշարժերից հետո փլատակներում մարդիկ կան․ հաղորդվում է ցունամիի վտանգի մասին

Թուրքական Հաթայում այսօր գրանցված նոր երկրաշարժերից հետո ավերված շենքերի փլատակներում մարդիկ կան, նրանց օգնության են ուղարկվել փրկարարներ։ Այս մասին հայտնում են թուրքական ԶԼՄ-ները՝ վկայակոչելով հաթայի քաղաքապետին։

Հիշեցնենք, որ այսօր միանգամից երկու երկրաշարժ է գրանցվել Թուրքիայում, որոնց հետևանքով կրկին ավերածություններ կան։ Ավելի վաղ հայտնել էինք 6,4 մագնիտուդով երկրաշարժի մասին, սակայն ավելի ուշ հայտնի էր դարձել երկրորդի մասին՝ 5,8 մագնիտուդով, տեղեկացրել էր Աղետների կառավարման վարչությունը (AFAD): Նշվում է, որ երկրաշարժի էպիկենտրոնը գտնվել է Սամանդաղ շրջանում։

Բացի դա, Թուրքիայում նոր երկրաշարժի պատճառով ցունամիի վտանգի մասին։ Մասնավորապես Եվրոպական-միջերկրածովյան սեյսմոլոգիական կենտրոնը հայտնել է, որ Թուրքիայի Հաթայ նահանգին կարող է հարվածել ցունամի։

Հրապարակված տեսանյութում երևում են այսօրվա երկրաշարժի ժամանակ Հաթայի օդանավակայանում գտնվող մարդիկ։ Թուրքիայի իշխանությունները խորհուրդ են տալիս ձեռնպահ մնալ նահանգ կատարելիք ուղևորություններից։