ՏԵՍԱՆՅՈՒԹ․ Նոր երկրաշարժ Թուրքիայում․ կրկին ավերածություններ են եղել
Սիրիայի և Թուրքիայի սահմանին 6,4 մագնիտուդով նոր երկրաշարժ է գրանցվել։ Այս մասին հայտնում են տեղի լրատվամիջոցները։
Երկրաշարժը գրանցվել է Հայաստանի ժամանակով 21։04–ին։
Թուրքական լրատվամիջոցներն արդեն հայտնում են տեղի ունեցած երկրաշարժից հետո Հաթայ նահանգում նոր ավերածությունների մասին։ Բացի դա, եվրոպացի սեյսմոլոգների տվյալներով՝ նոր երկրաշարժը զգացվել է նաև Լիբանանում, Սիրիայում Իսրայելում և Կիպրոսում։
Հիշեցնենք` փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է գրանցվել, որն ավերածությունների է հանգեցրել մի շարք քաղաքներում։ Երկրաշարժի զոհերի թիվը անցել է 41 հազարից, ամբողջությամբ կամ մասնակի ավերվել է գրեթե 84 հազար շինություն։
Նույն երկրաշարժը զոհերի ու ավերածությունների պատճառ է դարձել նաև Սիրիայում։ Այս պահին հայտնի է 8500-ից ավելի զոհերի մասին, ամբողջությամբ կամ մասնակի ավերվել է մոտ 4 հազար շինություն։
Հետցնցումների թիվը տարածաշրջանում գերազանցել է 4 հազարը։
