Այսօրվա երկրաշարժի հետևանքով Սիրիայում նույնպես ավերածություններ են եղել
Սիրիայի երկու քաղաքներում նոր երկրաշարժի պատճառով շենքեր են փլուզվել, գրում է Al-Arabiya հեռուստաալիքը։
Լրատվամիջոցը, հղում անելով իր աղբյուրներին, նշում է, որ ավերածությունների հետևանքով տուժածներ կան։
«Սիրիայի հյուսիսում գտնվող Ալ-Բաբ և Հարիմ քաղաքներում նոր երկրաշարժից շենքերի փլուզման հետեւանքով տուժածներ կան»,- հայտնել են հեռուստաալիքի աղբյուրները։
Ավելի վաղ եվրոպացի սեյսմոլոգները հայտնել էին, որ երկուշաբթի երեկոյան Սիրիայի և Թուրքիայի սահմանին 6,3 մագնիտուդով երկրաշարժ է գրանցվել։
