Դատարանի նոր որոշումը՝ Վարդան Ղուկասյանի վերաբերյալ․ խափանման միջոցը փոխվեց

Գյումրիի քաղաքապետ Վարդան Ղուկասյանի խափանման միջոցը փոխվեց տնային կալանքով, համակցված գրավով` 15 մլն դրամով, հայտնում է 24news.am-ը։

Նշենք, որ այսօր ավարտվեց վկաների հարցաքննությունը, 16 վկաներ էին դատարան կանչվել հարցաքննության համար։ Դատարանը թույլատրեց լրատվամիջղոցներին ապահովել ուղիղ հեռարձակում դատական նիստից։

Գյումրիի համայնքապետ Վարդան Ղուկասյանին առաջադրվել են մի քանի քրեական մեղադրանքներ, այդ թվում՝ կաշառք պահանջելու, դատարանում արված հայտարարությունների հիման վրա՝ խուլիգանության ու սահմանադրական կարգը փոխելու կոչերի համար։ Ղուկասյանը իրեն առաջադրված մեղադրանքները չի ընդունում և դրանք որակում է որպես քաղաքական հետապնդում։