137 հեռախոս, թմրամիջոցներ և Wi-Fi սարքեր․ ինչ իրեր են հայտնաբերվել ՔԿՀ-ներում մեկ ամսում

Քրեակատարողական ծառայությունը հրապարակել է 2026 թվականի հունիսին քրեակատարողական հիմնարկներում հայտնաբերված արգելված իրերի վերաբերյալ հաշվետվությունը։

Գերատեսչության տեղեկացմամբ՝ իրականացված միջոցառումների արդյունքում հայտնաբերվել է՝

24,92 գրամ թմրամիջոցի նմանվող զանգված,
250 մլ թմրամիջոցի նմանվող հեղուկ,
137 բջջային հեռախոս,
175 բջջային հեռախոսի պարագա,
4 Wi-Fi սարք,
15 կտրող-ծակող առարկա,
151,67 լիտր ինքնաշեն ոգելից խմիչք, ինչպես նաև այլ արգելված իրեր։

Բոլոր դեպքերով նախաձեռնվել են քրեական, վարչական և կարգապահական վարույթներ, նշանակվել են դատաքիմիական փորձաքննություններ։

Քրեակատարողական ծառայությունը քաղաքացիներին կրկին կոչ է արել պահպանել քրեակատարողական հիմնարկներ այցելելու՝ օրենքով սահմանված պահանջները և զերծ մնալ անօրինական գործողություններից։