Բրիտանիայի իշխող կուսակցությունն ունի նոր առաջնորդ

Մանչեսթերի նախկին քաղաքապետ Էնդի Բերնեմը պաշտոնապես ստանձնել է Մեծ Բրիտանիայի իշխող Լեյբորիստական կուսակցության առաջնորդի պաշտոնը։

Կուսակցության Ազգային գործադիր կոմիտեի նախագահ Շաբանա Մահմուդը ուրբաթ օրը հայտարարել է. «Ինձ համար պատիվ է Էնդի Բերնեմին հայտարարել Լեյբորիստական կուսակցության օրինական ընտրված առաջնորդ»։

Երկուշաբթի օրը՝ հուլիսի 20-ին, երկրի վարչապետ Քիր Ստարմերը պաշտոնապես վայր կդնի լիազորությունները, և Չարլզ երրորդ թագավորը Բերնեմին կառաջարկի ձևավորել նոր կառավարություն։

Կուտակված դժգոհությունների պատճառով կուսակցության բազմաթիվ անդամների կոչերից հետո, Ստարմերը հունիսին հայտնել էր հրաժարական տալու իր մտադրության մասին։ Քաղաքական գործչի խնդիրներն ավելի էին սրվել մայիսին կայացած Անգլիայի մունիցիպալ խորհուրդների, ինչպես նաև Ուելսի և Շոտլանդիայի խորհրդարանների ընտրություններում Լեյբորիստական կուսակցության գրանցած ցածր ցուցանիշների ֆոնին, երբ կուսակցությունը զրկվել էր ավելի քան 1,5 հազար տեղից։