ԱՄՆ-ում ռելսերից դուրս են եկել թունավոր նյութեր տեղափոխող գնացքի վագոններ
Դեթրոյթի արվարձանում մի քանի գնացքի վագոններ դուրս են եկել ռելսերից, որոնցից առնվազն մեկը քիմիական նյութեր է պարունակում: Այս մասին հայտնում է ABC News-ը։
Նշվում է, որ բեռնատար գնացքի առնվազն վեց վագոն դուրս է եկել ռելսերից։
Այնուամենայնիվ, պաշտոնյաներն ասում են, որ գնացքում միայն մեկ վագոն է տեղափոխում վտանգավոր նյութեր, որոնք, ըստ տեղեկությունների, արտահոսքի կամ վնասի նշաններ չեն ցույց տվել:
Ավելի վաղ ամերիկյան լրատվամիջոցները հայտնել էին, որ Օհայոյում գնացքի շուրջ 50 վագոն դուրս է եկել ռելսերից։
Բեռնատար գնացքը տեղափոխում էր վտանգավոր քիմիական նյութեր, առնվազն հինգ վագոն՝ թունավոր վինիլքլորիդով: Դրանից հետո արտակարգ դրությունից մի քանի կիլոմետր շառավղով տեղի բնակիչները տարհանվել են։
