Արձանագրեցինք այս իրողության ընկալումը. Լավրովը` ռուս-ադրբեջանական հարաբերությունների մասին

Ռուսաստանը և Ադրբեջանը համաձայնության են եկել աշխատանքներ տանել երկկողմ հարաբերություններում վերջին ամիսներին առաջացած դադարը լրացնելու ուղղությամբ, ինչի մասին հայտնել է ՌԴ արտաքին գործերի նախարար Սերգեյ Լավրովը։

ՌԴ ԱԳՆ ղեկավարը նշել է, որ Մոսկվայում արձանագրել են Ադրբեջանի նախագահ Իլհամ Ալիևի վերջերս արված հայտարարությունն այն մասին, որ երկու երկրների հարաբերությունները լիովին կարգավորված են, իսկ նախկինում եղած խնդիրները մնացել են անցյալում։ Ադրբեջանի արտաքին քաղաքական գերատեսչության ղեկավար Ջեյհուն Բայրամովի հետ ունեցած բանակցությունների արդյունքներով հրավիրված մամուլի ասուլիսի ժամանակ Սերգեյ Լավրովը հավելել է. «Արձանագրեցինք այս իրողության ընկալումը երկու կողմից էլ և պայմանավորվեցինք, որ կգործենք ի լրումն այն որոշակի դադարի, որն առաջացել էր մեր հարաբերություններում վերջին մի քանի ամիսների ընթացքում»։