Ռուս փրկարարները Թուրքիայում բնակելի շենքի փլատակներից մեծ քանակությամբ գումար են հայտնաբերել, հայտնում է Արտակարգ իրավիճակների նախարարության մամուլի ծառայությունը։ «Ավերիչ երկրաշարժից հետո փլատակների հերթական շերտը բացելիս ՌԴ ԱԻՆ աշխատակիցները հայտնաբերել են 100 դոլարանոց թղթադրամներով լցված կաթսա, հայտնաբերված 150.000 դոլար գումարը հանձնվել է տեղի ոստիկանությանը գույքագրման համար»,- ասվում է հաղորդագրությունում։

Հիշեցնենք՝ Թուրքիայում տեղի ունեցած ավերիչ եերկրաշարժի զոհերի թիվը հասնում է 31.643-ի։