Բայդենը` Չիանստան - ԱՄՆ հարաբերությունների մասին
Միացյալ Նահանգների նախագահ Ջո Բայդենը հայտարարել է, որ չինական օդապարիկի հետ կապված միջադեպը, որը հայտնաբերվել և խոցվել է ԱՄՆ-ի տարածքում, էական վնաս չի հասցրել ԱՄՆ-Չինաստան հարաբերություններին։
PBS-ին տված հարցազրույցում նա համապատասխան հարցին բացասական է պատասխանել։ Իր պնդումների հիման վրա մանրամասնելու խնդրանքին՝ Բայդենն ասել է. «Ես խոսեցի նրանց հետ, մենք խոսեցինք նրանց թիմի հետ»:
Բացի այդ, ԱՄՆ նախագահը նշել է, որ ինքն ավելի վաղ խոսել է Չինաստանի նախագահ Սի Ծինփինի հետ, իսկ հետո նրան ասել է. «Մենք պատրաստ ենք մրցակցել Չինաստանի հետ, բայց հակամարտություն չենք ուզում»։
«Եվ այն շարունակում է աշխատել»,- հավելել է Բայդենը։
Նախագահը նաև ասել է, որ անցյալ ամառ Չինաստանի ղեկավարի հետ զրույցի ժամանակ նա զգուշացրել է նրան, որ եթե Պեկինը աջակցի Ռուսաստանին ուկրաինական ճգնաժամում, Չինաստանը կկորցնի արևմտյան ներդրումները։
Չինական օդապարիկի հայտնվելը, որը Վաշինգտոնը որակեց որպես հետախուզական, հանգեցրեց դիվանագիտական վեճի երկու երկրների միջև, ԱՄՆ պետքարտուղար Էնթոնի Բլինկենը նույնիսկ հետաձգեց փետրվարի 5-6-ը նախատեսված այցը Պեկին՝ մեղադրելով Չինաստանին «ԱՄՆ ինքնիշխանությունը խախտելու մեջ»:
Օդապարիկի խոցումից հետո Պեկինը հանդես եկավ պաշտոնական բողոքով և նախազգուշացրեց հնարավոր պատասխան միջոցների մասին։
