Թուրքիայում երկրաշարժի զոհերի թիվը գերազանցել է 1700-ը. կա ավելի քան 12000 տուժած. մանրամասներ
Թուրքիայի կառավարությանն առընթեր Արտակարգ իրավիճակների վարչությունը (AFAD) հայտնել է երկրում տեղի ունեցած երկրաշարժի զոհերի թվի աճի մասին:Այս մասին գրում է ТАСС-ը: Նշվում է, որ զոհերի թիվը հասել է 1762-ի։
«Երկրաշարժի զոհերի թիվը կազմել է 1762, տուժել է 12068 մարդ, ավերվել է 5606 շենք»,- նշվում է AFAD-ի երկուշաբթի տարածված հաղորդագրության մեջ։
Ավելի վաղ Հանրապետության առողջապահության նախարարության ղեկավար Ֆահրեթին Քոջան հայտնել էր 1651 զոհի և 11119 վիրավորի մասին։ Նրա խոսքով՝ ավերվել է 3471 շինություն։
Այն ժամանակ AFAD-ը հստակեցրել էր, որ երկրաշարժի գոտում ավերված շենքերի ընդհանուր թիվը կազմել է 5606։
Քոջան նշել է, որ առաջին երկրաշարժից հետո տարածաշրջանում գրանցվել է 147 կրկնվող ցնցում։ «Ծանր վնասներ են գրանցվել 10 նահանգներում»,- հավելել է նա։
Քոջաի խոսքով՝ Իսկենդերուն քաղաքի Հաթայ նահանգում ավերվել է պետական հիվանդանոցը, լուրջ վնասվել է մեկ այլ խոշոր հիվանդանոցի շենքը։ «Ավերված հիվանդանոցի փլատակներում հիվանդներ և աշխատակիցներ են, կատարվում են փրկարարական աշխատանքներ»,- աել է նախարարը։
Բուժհաստատություններում տեղերի բացակայության պատճառով տուժածներին բուժման են ուղարկում այլ քաղաքներ։ Դրա համար, ինչպես ասել է Քոջան, ակտիվորեն օգտագործվում է ավիացիան։
Երկուշաբթի Թուրքիայի հարավ-արևելքում գտնվող Քահրամանմարաշ նահանգում 7,7 մագնիտուդ ուժգնությամբ հզոր երկրաշարժ է տեղի ունեցել։ Ավելի ուշ Թուրքիայում 7,7 մագնիտուդ ուժգնությամբ եւս մեկ երկրաշարժ է տեղի ունեցել։ Հարևան Սիրիայում զոհվել է ավելի քան 460 մարդ։
