ԱՄՆ-ն մտադիր չէ Պեկինին վերադարձնել ոչնչացված չինական օդապարիկի բեկորդները
Վաշինգտոնը մտադիր չէ Պեկինին վերադարձնել կործանված օդապարիկի բեկորները։ Այս մասին ճեպազրույցի ժամանակ հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Ես տեղյակ չեմ նման մտադրությունների կամ ծրագրերի մասին»,- ասել է նա։
Հիշեցնենք, որ փետրվարի 3-ին Պենտագոնը ԱՄՆ-ի մայրցամաքային հատվածում հետախուզական օդապարիկ է հայտնաբերել։ Ավելի ուշ Չինաստանը պաշտոնապես խոստովանել էց, որ դա իրենց քաղաքացիական օդապարիկն է, որը քամու պատճառով պատահաբար շեղվել է երթուղուց։ Փետրվարի 4-ին Հարավային Կարոլինա նահանգի երկնքում ԱՄՆ զինվորականները օդապարիկը ոչնչացրել են։ Ի պատասխան՝ Չինաստանի իշխանությունները պրեզենտացիա են պատրաստել և Վաշինգտոնին խիստ բողոք հայտնել։ Բացի այդ, ՉԺՀ-ն հայտարարել է, որ օդապարիկի ոչնչացման պատճառով ԱՄՆ-ը վնաս է հասցրել երկու երկրների հարաբերություններին։
