Նիդերլանդների և Գերմանիայի ցամաքային զորքերը կմիավորվեն

Նիդերլանդների և Գերմանիայի ցամաքային զորքերի ինտեգրման գործընթացը նախատեսվում է ավարտել մինչև ապրիլի վերջ՝ Ուկրաինա Ռուսաստանի ներխուժումից հետո տարածաշրջանում անվտանգության սպառնալիքների աճի ֆոնին, Bloomberg-ին ասել է թագավորական զինված ուժերի ներկայացուցիչ, մայոր Մարկ վան դե Բեյկը։
Այս պահին Նիդերլանդների բանակի երեք ցամաքային բրիգադներից երկուսը միավորված են Բունդեսվերի հետ։ Մնացած 13-րդ բրիգադը պետք է միաձուլվի գերմանական բանակի 10-րդ տանկային դիվիզիայի հետ։

Նախատեսվում է,  որ բոլոր ստորաբաժանումների միավորումից հետո թիվը կկազմի մոտ 50 000 մարդ, այդ թվում՝ 8 000 զինվոր Նիդերլանդներից։ 

Նիդեռլանդները և Գերմանիան  դիտարկում են նաև ռազմական տեխնիկայի համատեղ գնումներ և ռազմական կանոնակարգերի համապատասխանեցում, տեղեկացրել է Վան դե Բեկը:

 Նա նշել է, որ այնուամենայնիվ,  վերջնական որոշումը պետք է կայացնի կառավարությունը։ Հարցը քննարկման փուլում է։