ԱՄՆ-ն առաջին անգամ Ուկրաինային կտրամադրի հեռահար հրթիռներ

Վաշինգտոնը 2,2 միլիարդ դոլար արժողությամբ ռազմական օգնության նոր փաթեթ է պատրաստում Կիևի համար, հայտնում է Reuters-ը՝ վկայակոչելով երկու ամերիկացի պաշտոնյաների։  

 

Նրանց խոսքով՝ այս փաթեթում առաջին անգամ կներառվեն հեռահար հրթիռներ։

 

Ավելի ուշ գործակալությունը պարզաբանել է, որ խոսքը GLSDB (Ground Launched Small Diameter Bomb) հրթիռների մատակարարման մասին է, դրանց հեռահարությունը 150 կմ է։ 

 

Օգնության մասին կհայտարարվի արդեն այս շաբաթ, հայտնում է Reuters-ը:  Փաթեթը կներառի նաև Patriot հակաօդային պաշտպանության համակարգերի օժանդակ սարքավորումներ, ճշգրիտ կառավարվող զինամթերք և Javelin հակատանկային զինատեսակներ։

 

Ուկրաինայի նախագահի աշխատակազմի խորհրդական Միխայիլ Պոդոլյակն ավելի վաղ ասել էր, որ Կիևը «արագ» բանակցություններ է վարում Արևմուտքի հետ՝ Ուկրաինային ավիացիայի և հեռահար հրթիռների փոխանցման վերաբերյալ։  Նրա խոսքով, Ուկրաինային անհրաժեշտ են նման զինատեսակներ, այդ թվում՝ Ղրիմում ռուսական զինված ուժերի թիկունքի ենթակառուցվածքներին և հրետանային պահեստներին հարվածներ հասցնելու համար։

Քաղաքականություն

Պատահարներ