Պայթեցվել է Իսլամական հեղափոխության պահապանների կորպուսի շտաբը
Արտերկրում գտնվող իրանական աղբյուրները հայտնում են Իրանի Մահաբադ և Բան քաղաքներում նոր պայթյունների մասին։
Նշում են, որ կեսգիշերին Իրանի ռազմաօդային ուժերի կործանիչներ են օդ բարձրացվել։ Այս մասին Twitter-ում հայտնել է լրագրող Գուրբակշի Սինգհ Չահալան։
«Իրանի Մահաբադ քաղաքում գտնվող Իսլամական հեղափոխության պահապանների կորպուսի կենտրոնակայանում պայթյուններ են տեղի ունեցել: Պայթյունների պատճառն այս պահին հայտնի չէ»,- գրել է նա։
Պայթեցվել է նաև Իսլամական հեղափոխության պահապանների կորպուսի (ԻՀՊԿ) շտաբը։ Լուրը պաշտոնապես դեռ չի հաստատվել։
Հիշեցնենք, որ հունվարի 28-ի գիշերն անօդաչու սարքերով հարձակումներ են տեղի ունեցել Իրանի տարբեր քաղաքներում մի շարք ռազմական և ենթակառուցվածքային օբյեկտների վրա։
Մասնավորապես, հարձակում է իրականացվել Սպահան քաղաքում ռազմամթերք արտադրող գործարանի վրա։ Պայթյուններ են եղել Շահիդ Սալիմի քաղաքի շարժիչի յուղերի գործարանում, Դիզֆուլ քաղաքի ավիաբազայում, հրդեհներ են եղել Համադան և Ռեշտ քաղաքներում։
