![ՀՀ ՄԻՊ Քրիստինե Գրիգորյանն արդեն հեռացել է Հայաստանից. Hraparak.am](https://auroranews.am/storage/img/base_image/old/3c4df7d26cdef82ac3ebdc597f452b28.webp)
ՀՀ ՄԻՊ Քրիստինե Գրիգորյանն արդեն հեռացել է Հայաստանից. Hraparak.am
![ՀՀ ՄԻՊ Քրիստինե Գրիգորյանն արդեն հեռացել է Հայաստանից. Hraparak.am](https://auroranews.am/storage/img/base_image/old/3c4df7d26cdef82ac3ebdc597f452b28.webp)
ՀՀ ՄԻՊ Քրիստինե Գրիգորյանը արդեն հեռացել է Հայաստանից։ Hraparak.am-ը գրում է` ՄԻՊ նոր թեկնածուն նախկինում հագուստի խանութների ցանցի մենեջեր է եղել։
Ըստ կայքի տեղեկությունների` նա մինչև Ազգային ժողով հրաժարականի դիմում ներկայացնելը հրաժեշտ է տվել ՄԻՊ աշխատակազմին ու հայտարարել է, որ նոր աշխատանքի առաջարկ է ստացել ու ընդունել է այն։
Կայքը հավելում է, որ ՀՀ ՄԻՊ պաշտոնի նոր թեկնածուն աշխատանքի և սոցիալական հարցերի փոխնախարար Տաթևիկ Ստեփանյանն է, որը նշանակվել է փոխնախարար 2020 թ․–ի մայիսի 15-ին։
«Նրա կենսագրությունն ուսումնասիրելով՝ անտեղյակ անձին կթվա, թե շատ լուրջ ճանապարհ անցած 40-ամյա կին է և արժանի է այս բարձր պաշտոնին։ Սակայն իրականում եթե կենսագրությունից հանես տարբեր դասընթացներին մասնակցությունը, ինչպես նաև անհայտ բնույթի հասարակական գործունեությունը, տակը մնում է մեկ աշխատանքային փաստ՝ «Մոդամոնթ» հագուստի խանութների ցանցի մենեջերի պաշտոնը, որը նա զբաղեցրել է 2004-ից մինչև 2020 թվականը»,– գրել է կայքը։
Հունվարի 23-ին ՀՀ մարդու իրավունքների պաշտպան Քրիստինե Գրիգորյանը հրաժարականի դիմում է ներկայացրել Աժ, իսկ այսօր կրկնել է այն. պաշտպանի լիազորությունները դադարում են հրաժարականի դիմումը ներկայացնելուց ոչ ուշ, քան 1 շաբաթվա ընթացքում կրկին հրաժարականի դիմում ներկայացնելու դեպքում։