Ռուսաստանում հայկական եկեղեցու բակում հավաք կազմակերպած հայերի դեմ մեղադրանք է առաջադրվել

Տեղի հայ համայնքի ներկայացուցիչները հունվարի 23-ին ցույց են անցկացրել՝ ի պաշտպանություն Արցախի բնակիչների։ Միջոցառումը տեղի է ունեցել Սուրբ Կարապետ եկեղեցում, որը հիմնադրվել է 2002 թվականին Ուրալի հայկական սփյուռքի կողմից։ Հենց այս գործողությունն էլ, հիմք է դարձել վարույթ սկսելու համար, հայտնում է Ինֆոտեկա 24-ը: Հայ համայնքի տարածքային հասարակական կազմակերպության նախագահ Մասիս Նազարյանին մեղադրանք է առաջադրվել ՌԴ Վարչական իրավախախտումների վերաբերյալ օրենսգրքի 20.2- հոդվածի 2-րդ մասով (հրապարակային միջոցառման կազմակերպում կամ անցկացում առանց ծանուցելու):