Առերեսում է լինելու բռնի ուժ կիրառած ոստիկանների հետ. զոհված զինծառայողների ծնողները ՔԿ-ում են

44-օրյա պատերազմում զոհված զինծառայողների ծնողներն այսօր՝ հունվարի 26-ին, բողոքի ակցիա են իրականացնում Քննչական կոմիտեի շենքի մոտ: Այսօր նախատեսված են առերեսումներ իրենց նկատմամբ բռնություն գործադրած ոստիկանների հետ:

Այսօր առերեսում է լինելու բռնի ուժ կիրառած ոստիկանների հետ։

«Առերեսումը լինելու է ոստիկանության Երևան քաղաքի վարչության պետի տեղակալ Արթուր Խուդինյանի հետ»,– լրագրողների հետ զրույցում ասել է ծնողների գործով փաստաբան Վահան Հովհաննիսյանը։

Դեռևս 2022 թվականի սեպտեմբերի 21-ին «Եռաբլուր» զինվորական պանթեոնում տեղի ունեցած միջադեպով, երբ բռնություն գործադրվեց զոհված զինծառայողների ծնողների նկատմամբ, հարուցվել է  քրեական գործ: Անցել է 5 ամիս, և դեռ որևէ մեկը քրեական վարույթով  պատասխանատվության չի ենթարկվել: