Էրդողանը նախատեսում է զրուցել Պուտինի և Զելենսկու հետ
Թուրքիայի նախագահ Ռեջեփ Թայիփ Էրդողանը ծրագրում է հեռախոսով խոսել Ռուսաստանի և Ուկրաինայի իր գործընկերներ Վլադիմիր Պուտինի և Վլադիմիր Զելենսկու հետ՝ քննարկելու հումանիտար միջանցքի կազմակերպման հնարավորությունը։
Այս մասին հայտարարել է Թուրքիայի գլխավոր օմբուդսմեն Շերեֆ Մալքոչը՝ «Մարդու իրավունքների ապագան 21-րդ դարում» օմբուդսմենների համաժողովի արդյունքներով։
«Համաժողովի հիմնական արդյունքներից մեկը կարելի է անվանել Ռուսաստանի և Ուկրաինայի օմբուդսմենների անցած հանդիպումները։ Դրանք դրական էին»,- ասել է Մալքոչը CNN Türk-ի եթերում:
Նա պարզաբանել է, որ իրենք Էրդողանին առաջարկել են մշակել հացահատիկային միջանցքի նախաձեռնությունը։ Նա հանձնարարել է աշխատանքներ տանել այս ուղղությամբ։
Օմբուդսմենն ընդգծել է, որ այսօր կամ վաղը Էրդողանը նախատեսում է հեռախոսազրույցներ ունենալ Պուտինի և Զելենսկու հետ։
