Բայդենի ավտոտնակում «գաղտնի» նշումով փաստաթղթեր են հայտնաբերվել
ԱՄՆ նախագահ Ջո Բայդենի փաստաբանները Դելավեր նահանգի Ուիլմինգթոն քաղաքում գտնվող նրա տան ավտոտնակում հայտնաբերել են «գաղտնի» նշումով փոքր քանակությամբ փաստաթղթեր։ Այս մասին հինգշաբթի հայտնել է Reuters գործակալությունը՝ հղում անելով ԱՄՆ նախագահի իրավախորհրդատու Ռիչարդ Զաուբերին, գրում է ТАСС-ը:
Նրա խոսքով՝ նմանատիպ մեկ այլ փաստաթուղթ հայտնաբերվել է ավտոտնակին կից սենյակում։ Միաժամանակ նշվում է, որ Ռեհոբոթ Բիչ (Դելավեր) քաղաքի Բայդենի ընտանիքի տանը գաղտնի նյութեր չեն հայտնաբերվել։
Նշվում է, որ ամերիկյան վարչակազմը «լիարժեք համագործակցություն է ցուցաբերում» հայտնաբերված փաստաթղթերի պատշաճ մշակման հարցում։
