ԱՄՆ-ի միակողմանի պատժամիջոցները խանգարում են մի շարք երկրների զարգացմանը. ՄԱԿ-ում Չինաստանի ներկայացուցիչ
ԱՄՆ-ի միակողմանի պատժամիջոցները խաթարում են մի շարք երկրների սոցիալ-տնտեսական զարգացումը, հայտարարել է ՄԱԿ-ում Չինաստանի մշտական ներկայացուցիչ Չժան Ջունը։
Դիվանագետը կոչ է արել վճռականորեն հրաժարվել միակողմանի պատժամիջոցներից՝ միջազգային մակարդակում օրենքի գերակայությունն ամրապնդելու համար։ Նա նշեց, որ նման սահմանափակումների անօրինականությունը չի կարելի թաքցնել։
«Որոշ երկրներ անհիմն կերպով միակողմանի պատժամիջոցներ են սահմանում միջազգային իրավունքի շրջանակներից դուրս՝ դանդաղեցնելով երկրների սոցիալ-տնտեսական զարգացումը և ստեղծելով հսկայական հումանիտար խնդիրներ՝ խախտելով արդար մրցակցության և շուկայական տնտեսության սկզբունքները», - նրա խոսքերը մեջբերում է ՏԱՍՍ-ը։
Նա հավելել է, որ մի շարք երկրներ, հատկապես ԱՄՆ-ը, խեղդում են օտարերկրյա տեխնոլոգիական ընկերություններին և արհեստականորեն խաթարում մատակարարման շղթաները։
