Արսենյանի որդին ձերբակալվել է 2 կացին ու դանակ իր մոտ պահելու համար

 Մամուլում տեղեկություն է հրապարակվել, որ դեկտեմբերի 27-ին սառը զենք կրելու հիմնավոր կասկածանքով ձերբակալվել և ոստիկանության Կենտրոնական բաժին է տեղափոխվել Երևանի բնակիչ 27-ամյա Գուրգեն Արսենյանը։ Երիտասարդին բերման են ենթարկել ոստիկանության Կենտրոնական բաժին, քանի որ նրա մոտ հայտնաբերվել է 2 կացին և 16․5 սմ շեղբի երկարությամբ դանակ։ 
 

Նշվում է, որ ձերբակալված Գուրգեն Արսենյանը Ազգային ժողովի «Քաղաքացիական պայմանագիր» խմբակցության պատգամավոր Գուրգեն Արսենյանի որդին է։ 
 

Аuroranews.am-ը կապ հաստատեց ՀՀ քննչական կոմիտեի նախագահի մամուլի քարտուղար Գոռ Աբրահամյանի հետ: Վերջինս մեզ հետ զրույցում ասաց, որ դեպքի առթիվ կա նախաձեռնված վարույթ` Քրեական օրենսգրքի 234 հոդվածի 1 մասի հատկանիշներով: Խոսնակը նշեց նաև, որ դեպքի հանգամանքները պետք է լիարժեքորեն պարզվեն, այդ ուղղությամբ քննություն կիրականացվի: Աբրահամյանը միևնույն ժամանակ հավելեց, որ նշված անձը ներկա պահի դրությամբ արգելանքի տակ չէ: