Իսպանիայում ավտոբուսը կամրջից գետն է ընկնել. կան զոհեր և վիրավորներ
Իսպանիայի հյուսիս-արևմուտքում մարդատար ավտոբուսը դուրս է եկել կամրջից և ընկել վարարած գետը, վեց մարդ մահացել է, երկուսը՝ վիրավորվել: Այս մասին հայտնել են Իսպանիայի արտակարգ իրավիճակների ծառայությունը։ Գրում է Reuters-ը:
Երկու ողջ մնացածներին՝ մեքենայի 63-ամյա վարորդին և կին ուղևորին, հրշեջները պարանով դուրս են բերել գետից և տարբեր աստիճանի վնասվածքներով տեղափոխել մոտակա հիվանդանոցներ:
Վարորդի մոտ ալկոհոլի և թմրանյութերի թեստը բացասական է եղել, Reuters-ին հայտնել է ոստիկանության ներկայացուցիչը։
