Չինաստանի ԱԳՆ-ն մեկնաբանել է Լաչինի միջանցքի շուրջ ստեղծված իրավիճակը
Չինաստանի ԱԳՆ խոսնակ Վան Վենբինը լրագրողների հետ ճեպազրույցի ժամանակ ասել է, որ Պեկինը հույս ունի, որ Հայաստանն ու Ադրբեջանը երկխոսության միջոցով համատեղ կպահպանեն տարածաշրջանային խաղաղությունն ու կայունությունը։ Չինաստանի ԱԳՆ խոսնակն այս մասին հայտարարել է ՏԱՍՍ-ի թղթակցի խնդրանքին ի պաասխան` մեկնաբանելով Լաչինի միջանցքի շուրջ ստեղծված իրավիճակը։
«Մենք հուսով ենք, որ համապատասխան երկրները կուժեղացնեն երկխոսությունը և համատեղ կպահպանեն տարածաշրջանային խաղաղությունը, կայունությունը և քաղաքացիների խաղաղ կյանքը»,- ասել է Վանը։
Հիշեցնենք` արդեն երրորդ օրն է, ինչ Ադրբեջանը շարունակում է արգելափակված պահել Արցախը Հայաստանին կապող միակ ճանապարհը։
