Ալիևը հայկական Շուշին թյուրքական աշխարհի մշակութային մայրաքաղաք հռչակելու մասին կարգադրություն է արել

Ադրբեջանի նախագահ Իլհամ Ալիևը Արցախի դեմ 44-օրյա պատերազմի ժամանակ օկուպացրած Շուշին 2023 թվականին այսպես կոչված «թյուրքական աշխարհի մշակութային մայրաքաղաք» հռչակելու մասին կարգադրություն է ստորագրել։
 

Համաձայն կարգադրության՝ Ալիեւը նախարարների կաբինետին հանձնարարել է պատրաստել և իրականացնել միջոցառումների ծրագիր, ինչպես նաև լուծել կարգադրությունից բխող այլ հարցեր։

Հիշեցնենք, որ 2022 թվականի մարտի 31-ին Թուրքիայի Բուրսա քաղաքում տեղի է ունեցել թյուրքական մշակույթի միջազգային կազմակերպության (TURKSOY) անդամ երկրների մշակույթի նախարարների մշտական ​​խորհրդի արտահերթ նիստի ժամանակ հայկական Շուշին հռչակվել է 2023 թվականի «թյուրքական աշխարհի մշակութային մայրաքաղաք»։