Ով կլինի ֆուտբոլի հաջորդ հայ աստղը. բրիտանացի լրագրողները` հայ ֆուտբոլիստի մասին
Բրիտանացի լրագրողները գտել են մի հայի, ով կդառնա ֆուտբոլի աստղ։ Այս մասին գրում է Sports.ru-ն։
Ամեն տարի անգլիական The Guardian-ը թողարկում է համաշխարհային ֆուտբոլի լավագույն տաղանդներին՝ Next Generation-ին:
Աշխարհի ամենահեռանկարային 17-ամյա ֆուտբոլիստները 60-ն են։ Այս տարի վարկանիշային ցանկում ընդգրկվել է հայաստանցի մեկ խաղացող՝ «Ուրարտուի» կիսապաշտպան Գառնիկ Մինասյանը։
Ահա թե ինչ են գրել նրա մասին Բրիտանիայում.
«Մինասյանի կտրուկ վերելքն աննկատ չի մնացել Հայաստանում. Մանկուց նա գերտաղանդ չէր համարվում, բայց 15 տարեկանից հետո նա երկու տպավորիչ սեզոն թողարկեց։ Նա խփել է 24 գոլ և կատարել 31 գոլային փոխանցում. նման թվերը զարմանալի են նույնիսկ երիտասարդական մակարդակում: Նրա խաղը իրեն թույլ տվեց տեղափոխվել Հայաստանի երկրորդ դիվիզիոնում հանդես եկող երեւանյան ակումբի երիտասարդական «Ուրարտու-2» թիմ։
Մինասյանը կատարյալ ու ճկուն box to box է, ով կարդում է տեղի ունեցողը, լավ տեխնիկա ունի և դրա շնորհիվ տանում է իր թիմի խաղը։ Նա հիանալի է տեսնում խաղադաշտը, լավ է բաշխում տարբեր միջակայքերի փոխանցումները և սառնասրտորեն փոխակերպում պահերը։
Եթե հավատանք տեղական լրատվամիջոցներին, ապա Ֆրանսիայից և Բելգիայից սկաուտները արդեն եկել են ստուգելու նրա առաջընթացը, ուստի Եվրոպա անցումը կարծես ժամանակի հարց է»։
