«Дождь» հեռուստաալիքն աշխատանքից ազատել է լրագրողին, ով եթերում ռուսական բանակն անվանել է «մերոնք»
«Дождь» հեռուստաալիքն աշխատանքից ազատել է լրագրող Ալեքսեյ Կորոստելյովին, ով եթերում ռուսական բանակն անվանել է «մերոնք» և ասել, որ հեռուստաալիքը տեխնիկայով օգնում է Ռուսաստանի Դաշնության մոբիլիզացված քաղաքացիներին։
«Մենք դեմ ենք Ուկրաինայում Ռուսաստանի պատերազմին։ Եթերում անթույլատրելի են ձեւակերպումները, որոնք կարող են կասկած առաջացնել մեր դիրքորոշման մեջ։ Այդ պատճառով մենք որոշում ենք կայացրել դադարեցնել համագործակցությունը լրագրողի հետ այսօրվանից։ Դա մեզ համար շատ բարդ որոշում է, բայց «Дождь» - ի ղեկավարությունը այն համարում է միակ ճշմարիտ եւ հնարավորը», - ասել է հեռուստաալիքի տեղեկատվական ծառայության ղեկավար Եկատերինա Կոտրիկաձեն։
Լատվիայի կառավարությունը նույնպես անմասն չի մնացել և տուգանել է հեռուստաալիքին 10 հազար եվրոյով ու սպառնացել է, որ եթե ևս մեկ անգամ նման բան լինի, հեռուստաալիքի հեռարձակումը կդադարեցվի։
