ՏԵՍԱՆՅՈՒԹ․ Մեր երեխեքի դիակները մեքենաների կողքին էին, խրամատ չի եղել, որ պաշտպանվեն․ ՊԲ հրամանատարը պիտի՞ փորեր

Երկրորդ դրվագին է վերաբերում Ցորի տղաների հարցը։ Այդ մասին այսօր հրավիրված ասուլիսում ասել է գեներալ-լեյտենանտ Ջալալ Հարությունյանի փաստաբան Արսեն Սարդարյանը՝ պատասխանելով հարցին, թե Ցորի տղաների հարազատները կրկին ցուցմունք են տվել Ջալալ Հարությունյանի դեմ, արդյո՞ք դա չի նշանակում, որ հայտնի է ցուցմունք տվողների ցանկը։ 

Նա նշեց, որ ցանկացած տվյալ, որը շրջանառվում է, տղաների ծնողները վերցնում ու շրջանառում են։ 

«Իրենք ինչ-որ տեղից ստացել են, և իրենց ապրումների հետևանքով կրկնում են»,- նշել է նա։ 

Սարդարյանը նշեց, որ երկրորդ դրվագում իրականում ցավալի պատկեր կա՝ մի շարք զինվորներ փաստացի անպաշտպան վիճակում են հայտնվել.  

 «Բայց, արդյո՞ք դիվիզիոնի պաշտպանության կազմակերպման պատասխանատուն ՊԲ հրամանատարն է, իհարկե ոչ։ Դիվիզիոնի հրամանատարությունը պիտի պատշաճ դա իրականացներ»,- նկատել է փաստաբանը։ 

Նա տեղեկացրել է, որ դիվիզիոնի հրամանատարների մի մասը դիտակետում, որը եղել է մարտկոցների տեղակայման վայրից մեկ կմ հեռավորության վրա, լսել են հակառակորդի խոսակցությունը և հասկացել են, որ թշնամին է։ 

«Հիմա հարց, եթե լսում ես խոսակցությունները, ինչո՞ւ ժամանակահատվածը չես օգտագործում, որ հրանոթներն ուղղվեն այդ մեկ կմ հեռավորության վրա կրակ բացելուն։ Դրա փոխարեն տագնապ են հայտարարել, ու խառը սկսում են փախչել։ Խրամատ չի եղել, որ տղաները պաշտպանվեն, տղաների դիերը մեքենաների կողքին էին։ Հիմա  պիտի՞ խրամատ փորեր պիտի՞ խրամատ փորեր»,- հարց է հնչեցրել նա։

Մանրամասները՝ տեսանյութում։