ՏԵՍԱՆՅՈՒԹ. «Մեր բանակում պետք է լրջագույն փոփոխություններ տեղի ունենան». Սարգսյան
Ուշ արթնացող, զորքի հետ պատրաստություն չանցնող սպաները պետք է նոր ձևով մոտենան ծառայությանը: Այս մասին ՀՀ ազգային ժողովում ասաց ՔՊ խմբակցության պատգամավոր Հայկ Սարգսյանը:
«Մեր բանակում պետք է լրջագույն փոփոխություններ տեղի ունենան: Մեր այն զինծառայողները, սպաները, ովքեր չեն մասնակցել ֆիզիկական ծառայությանը, առավոտյան ուշ են արթնացել, չեն անցել պատրաստության դասերը, այժմ պետք է վերանայեն իրենց ծառայության պայմաններն ու ձևը, և միայն սրա արդյունքում նրանք կկարողանան հանձնել այդ ատեստավորումը, ինչի արդյունքում աշխատավարձերը կբարձրանան»,-նշեց Սարգսյանը:
Հիշեցնենք` ՀՀ ազգային ժողովն առաջին ընթերցմամբ քննարկեց կառավարության ներկայացրած օրենսդրական նախաձեռնությունը, որով առաջարկվում է պայմանագրային զինծառայողների համար սահմանել հավելավճար և դրա հաշվարկումը պլանավորել այդ զինծառայողների կողմից ատեստավորում անցնելու հանգամանքով:
Մանրամասները` տեսանյութում:
