Մոր թևերը և տղա երեխայի ոտքերը, ձեռքերը թելով կապված են եղել. «ՀԺ»

Շիրակի մարզի դատախազ Գուրգեն Գրիգորյանը «Հայկական ժամանակ»-ի հետ զրույցում հաստատել է տեղեկությունները, որոնց համաձայն՝ տղա երեխայի ոտքերն ու ձեռքերը թելով կապված են եղել, իսկ մայրիկի թևերը կապված են եղել հետևի հատվածում: Ըստ դատախազի՝ կան վարկածներ, որոնք ստուգվում են։

Գուրգեն Գրիգորյանը նաև շեշտել է, որ իրավապահներն առաջնորդվում են աշխատանքային, ոչ թե երևակայական վարկածներով։ Դատախազը հորդորել է հետևել պաշտոնական լրատվությանը։

Հիշեցնենք՝ ավելի վաղ հայտնել էինք Շիրակի մարզի Պեմզաշեն համայնքում տեղի ունեցած ողբերգական դեպքի մասին: Տեղեկություններ կան, որ  մահացածներն են 31-ամյա Զարինե Մ-ն, 12-ամյա Կարինեն և 8-ամյա Սարգիսը, որոնց ամբողջական տվյալները ոստիկանությունն ու քննչական բաժինը պարզում են։