Անբարոյական քայլ է․ Զախարովա
ՌԴ ԱԳՆ պաշտոնական ներկայացուցիչ Մարիա Զախարովան արևմտյան երկրների քվեարկությունը ՄԱԿ-ի Գլխավոր ասամբլեայի՝ նացիզմի հերոսացման քաղաքական կեղծավորության դեմ պայքարի մասին բանաձևը անվանել է անբարոյական քայլ։
Ավելի վաղ ՌԴ ԱԳՆ մարդու իրավունքների, ժողովրդավարության և օրենքի գերակայության հանձնակատար, ԱԳՆ հումանիտար համագործակցության և մարդու իրավունքների դեպարտամենտի փոխտնօրեն Գրիգորի Լուկյանցևը լրագրողներին ասել էր, որ Իտալիան, Ավստրիան և Գերմանիան առաջին անգամ ուրբաթ օրը ՄԱԿ-ի Գլխավոր ասամբլեայի երրորդ կոմիտեի նիստում դեմ են քվեարկել ռուսական բանաձևին, որն ուղղված է նացիզմի հերոսացման դեմ պայքարին:
«Դրա էությունը կարող են կասկածի տակ դնել միայն անբարոյական գործիչները»,- գրել է դիվանագետը Telegram-ի իր ալիքում։
