ԱՄՆ-ում դեմոկրատները հետ են կանչել Ուկրաինայի հարցով Բայդենին ուղղված նամակը
ԱՄՆ-ում Ներկայացուցիչների պալատի անդամները որոշել են հետ կանչել Միացյալ Նահանգների նախագահ Ջոզեֆ Բայդենին ուղղված նամակը, որում կոչ է արվում փոխել մոտեցումը Ուկրաինայի նկատմամբ։ Այս մասին հայտնում է ТАСС-ը:
Ավելի վաղ Բայդենին ուղղված նամակը ստորագրել էին ԱՄՆ Կոնգրեսի Ներկայացուցիչների պալատի 30 դեմոկրատ անդամներ։
Նրանք ԱՄՆ նախագահին հորդորել են փոխել մոտեցումը ուկրաինական իրադարձությունների հարցում, սկսել բանակցություններ Ռուսաստանի Դաշնության հետ, փնտրել կարգավորման դիվանագիտական ճանապարհներ, ինչպես նաև դիտարկել Եվրոպայում անվտանգության վերաբերյալ բոլոր կողմերի համար ընդունելի համաձայնությունների հասնելու հնարավորությունը։
