Պեսկովը՝ Փաշինյան - Պուտին - Ալիև առաջիկա եռակողմ հանդիպման մասին
Ռուսաստան-Ադրբեջան-Հայաստան գագաթնաժողովը նախապատրաստման փուլում է: Այս մասին РИА Новости-ին հայտնել է ՌԴ նախագահի մամուլի քարտուղար Դմիտրի Պեսկովը:
«Կրեմլը կհայտարարի գագաթնաժողովի անցկացման օրվա և վայրի մասին»,- ասել է պաշտոնյան:
Ավելի վաղ հայտնի էր դարձել, որ ՌԴ նախագահ Վլադիմիր Պուտինը Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին հրավիրել է Ռուսաստան՝ հերթական եռակողմ գագաթնաժողովին:
Համապատասխան հայտարարությունը տարածել է Ռուսաստանի Դաշնության արտաքին գործերի նախարարությունը:
Նշվում է, որ առաջիկա հանդիպման ընթացքում «նախատեսվում է քննարկել եռակողմ և երկկողմ հարցերի ողջ շրջանակը»:
Հիշեցնենք, որ հոկտեմբերի 6-ին Պրահայում կայացել էր Հայաստանի վարչապետի, Ադրբեջանի, Ֆրանսիայի նախագահների ու Եվրոպական խորհրդի ղեկավարի քառակողմ հանդիպումը։
