«Ռուսաստանը Պուտինի օրոք այլևս հուսալի առևտրային գործընկեր չէ». Շոլց
Գերմանիայի կանցլեր Օլաֆ Շոլցը պնդում է, որ Գերմանիան արդեն հաղթահարել է կախվածությունը ռուսական գազի մատակարարումներից եւ ձգտում է 20 տոկոսով կրճատել այդ ռեսուրսի սպառումը: Տեղեկատվությունը փոխանցում է ՏԱՍՍ-ը:
«Ես ուրախ եմ, որ մեզ հաջողվել է եվրոպական մակարդակով համաձայնության հասնել գազի սպառման 15 տոկոս կրճատման նպատակի շուրջ։ Դա ուժեղ ազդանշան է Եվրոպական համերաշխության, նաեւ մեր երկրի համար, որը մինչ օրս հատկապես կախված է եղել ռուսական գազից», - ասել է Շոլցը Բունդեսթագում ։
Միաժամանակ նա շնորհակալություն է հայտնել քաղաքացիներին էներգիա խնայելու համար։ Կանցլերը նաև հայտարարել է, որ Մոսկվան էներգիան օգտագործում է որպես զենք։
«Ռուսաստանը Պուտինի օրոք այլևս հուսալի առևտրային գործընկեր չէ», - ասել է Շոլցը։
