«Ուզո՞ւմ եք, որ ԵՄ զորքերն ուղարկեմ առանց երկու կողմերի համաձայնությա՞ն»․ զարգացումները՝ հայ-ադրբեջանական կոնֆլիկտի հարցով

12.10.2022 07:09

Հեռուստամեկնաբան Արտյոմ Երկանյանը խոսել է հայ-ադրբեջանական սահմանին ԵՄ դիտորդական առաքելության տեղակայման մասին․ «Տեղեկություն կա այն մասին, որ Եվրամիությունն ի սկզբանե առաջարկում էր տեղաբաշխել դիտորդներին՝ առաքելության ներկայացուցիչներին, ոչ թե Հայաստանում, այլ ՀՀ և Ադրբեջանի հենց սահմանին, այսինքն՝ հավանաբար, դիրքերի միջև ընկած հատվածում: Ադրբեջանը մերժել է այս առաջարկը: Նաև տեղեկություն կա, որ Ֆրանսիան և ԵՄ-ն ի սկզբանե առաջարկում էին, որ առաքելությունը լիներ ոչ թե քաղաքացիական, այլ զինվորական, սակայն ԵՄ արտաքին քաղաքական գերատեսչության պատասխանատու Ժոզեպ Բորելը Եվրախորհրդարանում ունեցած իր ելույթում բառացիորեն հետևյալն էր ասել. «Հայաստանը համաձայնել է, Ադրբեջանը՝ ոչ, ի՞նչ է՝ ուզում եք, որ ես ԵՄ զորքերն ուղարկեմ՝ առանց երկու կողմերի համաձայնությա՞ն։ Հավանաբար, արդեն հաշված օրեր հետո կիմանանք, թե կոնկրետ ինչ լիազորություններ և իրավասություններ կունենա այս առաքելությունը, առայժմ հայտնի չէ, թե որ երկրների ներկայացուցիչները կլինեն ներգրավված, և նաև պետք է պարզվի, թե սահմանի ո՞ր հատվածներում նրանք պետք է աշխատեն, թեև պարզ է, որ նրանք շարժվելու են, այսինքն՝ շաբաթվա տարբեր օրերին, սահմանի տարբեր հատվածում են լինելու, և կապված նրանից, թե որտեղ է լարված իրավիճակը: Դիվանագիտական աղբյուրներից ստացված տեղեկությունների համաձայն՝ այդ առաքելությունը բաղկացած է լինելու ընդամենը 40 հոգուց: Այսինքն՝ բավական համեստ կազմ է ունենալու, որը հազիվ թե բավարարի լիարժեք առաքելություն իրականացնելուն։ Բացի այդ, պետք է հիշեցնեմ, որ ընդամենը երկու ամսվա համար է նախատեսված այս առաքելությունը»- ասել է նա:

Նմանատիպ հոդվածներ

Ավելին Քաղաքականություն բաժնից

AURORA TV

Արագ որոնում

Վերջին նորություններ

Հանրաճանաչ թեմաներ

Radio Aurora