Ճապոնիան նոր պատժամիջոցներ է սահմանել ՌԴ-ի դեմ. որոնք են դրանք

Ճապոնիայի կառավարությունը նոր պատժամիջոցներ է սահմանել ռուսական 20 ընկերության և մեկ ֆիզիկական անձի նկատմամբ, ինչպես նաև արգելել է որոշ ապրանքների մատակարարումը ՌԴ-ին։ Այս մասին հաղորդում է ՌԻԱ Նովոստին։ Պատժամիջոցները սահմանվել են՝ Ուկրաինայում տիրող իրավիճակով պայմանավորված:

«Որպես ներդրում Ուկրաինայում տիրող իրավիճակի հետ կապված միջազգային ջանքերում ու հաշվի առնելով այն միջոցները, որոնք ձեռնարկվել են առաջատար երրների կողմից՝ մեր երկիրը որոշակի ընկերությունների հետ արտահանման և այլ գործարքների արգելմանն ուղղված միջոցներ է ձեռնարկում։ Սեպտեմբերի 26-ից մեր երկիրն արտահանման ու այլ գործարքների արգելք է սահմանում 21 կազմակերպության նկատմամբ»,- նշված է հաղորդագրությունում։

Բացի այդ, Ճապոնիան արգելել է նաև Ռուսաստանի Դաշնություն արտահանել այնպիսի ապրանքներ, որոնք կարող են կապված լինել քիմիական զենքի արտադրության հետ։