Ինչ է առաջարկել Էրդողանը` «Միր» համակարգի սպասարկման դադարեցման հետ կապված
Թուրքիայի նախագահ Ռեջեփ Թայիփ Էրդողանը կառավարության անդամներին հանձնարարել է Մոսկվայի հետ միասին մշակել ռուսական «Միր» վճարային համակարգի այլընտրանքային տարբերակ, հաղորդում է A Haber հեռուստաալիքի թղթակիցը։
«Ռուսական կողմի հետ բանակցությունները վարել են համապատասխան գերատեսչությունները` նախարարների մակարդակում: Մոտակա ժամերին էլ Էրդողանը քննարկումներ կանցկացնի այդ թեմայով», - գրում են լրատվամիջոցները։
Թե ինչ այլընտրանքներ են դիտարկում Մոսկվան և Անկարան, չի նշվում։
Անցած երկուշաբթի թուրքական որոշ բանկեր РИА новости-ին հայտնել են, որ դադարեցնում են Мир քարտերի սպասարկումը՝ ԱՄՆ-ի և Մեծ Բրիտանիայի հակառուսական պատժամիջոցների պատճառով։ Էրդողանը հայտարարել էր, որ ուրբաթ օրը որոշում կկայացնի երկրում ռուսական բանկային քարտերի հետագա օգտագործման վերաբերյալ։
Ռուսական վճարային համակարգն էլ իր հերթին պարզաբանել էր, որ արտերկրում МИР քարտերի ընդունումը կախված է, մասնավորապես, հենց բանկերի դիրքորոշումից։
