Իրավիճակը քաոսային չէ, դուք ուրիշ ակնոցներով եք նայում իրավիճակին․ իշխանական պատգամավոր
Ես խորհուրդ կտամ ընդդիմությանը ներկայացնել վարչապետի թեկնածու։ Այս մասին լրագրողների հետ զրույցում ասաց ՔՊ-ական պատգամավոր Վիգեն Խաչատրյանը՝ անդրադառնալով իմպիչմենթի գործընթացին, որը պատրաստվում են նախաձեռնել ընդդիմադիր պատգամավորները։
«Եթե ընդդիմությունը ունի թեկնածու, թող առաջադրի, պատրաստ ենք քննարկել իրենց թեկնածուի հարցը, ես իրենց կհամոզեմ, որ իրենք թեկածու չունեն։ Ես տեսնում եմ, որ իրենք թեկնածու չունեն, եթե ունենան, կներկայացնեն։ Իրենք ստում են, երբ ասում են չենք ձգտում իշխանության, չկա որևէ փաստաթուղթ, որտեղ ընդդիմությոնը ներկայացրած լինի թեկնածուի անուն, չկա իմպիչմենթի նախաձեռնություն, ի՞նչը քննարկենք իրենց հետ»,- ասաց Խաչատրյանը։
Լրագրողների դիտարկմանը, որ երկում քաոսային իրավիճակ է և նման իրավիճակում հանրությունը պահանջում է Փաշինյանի հրաժարականը, Խաչատրյանը ասաց․ «Իրավիճակը քաոսային չէ, դուք ուրիշ ակնոցներով եք նայում իրավիճակին, ես ուրիշ, դուք որտե՞ղ եք քաոս տեսնում, չկա նման բան»։
