Թուրքիայի հետ հակամարտությունը կարող է վերաճել Եվրոպայում նոր պատերազմի. Հունաստան

Հունաստանի կառավարությունը նամակով դիմել է ՆԱՏՕ-ի և Եվրամիության գործընկերներին և ՄԱԿ-ի ղեկավարին՝ խնդրելով նրանց պաշտոնապես դատապարտել հարևան Թուրքիայի պաշտոնյաների ավելի ու ավելի ագրեսիվ հռետորաբանությունը և նշել, որ ներկայիս երկկողմ լարվածությունը կարող է վերածվել երկրորդ բաց հակամարտության եվրոպական հողի վրա:
 

Նամակներում, որոնց պատճենները չորեքշաբթի տեսել է Associated Press-ը, Հունաստանի արտաքին գործերի նախարար Նիկոս Դենդիասը նշել է, որ իր երկրի պատմական տարածաշրջանային մրցակցի՝ ՆԱՏՕ-ի դաշնակցի պահվածքը պետք է դատապարտվի երեք մարմինների կողմից:

Ավելի վաղ Եվրամիությունը մտահոգություն էր հայտնել Թուրքիայի նախագահ Ռեջեփ թայիփ Էրդողանի հայտարարությունների վերաբերյալ, որոնցում նա Հունաստանին մեղադրում է Էգեյան ծովի ապառազմականացված կղզիները «օկուպացնելու» մեջ եւ սպառնում է հարձակվել։  
 

Թուրքական պետական ​​«Անադոլու» լրատվական գործակալության փոխանցմամբ՝ այս շաբաթ Անկարան նամակներ է ուղարկել Եվրամիությանը, ՆԱՏՕ-ին եւ ՄԱԿ-ին՝ բացատրելով իր դիրքորոշումն ու տեսակետները վիճելի հարցերի վերաբերյալ։