Փաշինյանը` Պուտինի` հայկական կողմի խնդրանքներին արձագանքելու մասին
Վլադիվոստոկում վարչապետ Նիկոլ Փաշինյանը՝ անդրադառնալով հարցին՝ չի վախենում, որ ՌԴ-ի հետ հարաբերությունների ինտենսիվացման ֆոնին հնարավոր է սանկցիաների ենթարկվի Արևմուտքի կողմից, նշեց, որ վախենալը օգտակար դիրքորոշում չէ, պետք է աշխատել, որպեսզի կառավարել այդ վտանգները:
«Իհարկե, մենք ևս ենք մեծապես անհանգստացած պարենային, էներգետիկ անվտանգության համար։ Մեզ մոտ էլ բարձր գնաճ կա, որն ուղղակիորեն ազդում է սոցիալական վիճակի վրա մեր երկրում։ Բայց ընդհանուր առմամբ իրավիճակը կառավարելի է։ Խնդիրը կա, բայց ճգնաժամային իրավիճակ չկա: Եվ սա նաև Ռուսաստանի Դաշնության աջակցության շնորհիվ է»,- ընդգծեց Փաշինյանը:
Փաշինյանի խոսքով` ինքը տպավորված է այն օպերատիվությունից, թե ինչպես է Վլադիմիր Պուտինն արձագանքել հայկական կողմի խնդրանքներին, ինչը շատ կարևոր է հայ-ռուսական գործընկերության համատեքստում։
