ՏԵՍԱՆՅՈՒԹ. Պայթյունի հետևանքով ծանր վիրավորված Բերդյանսկի պարետը չի՞ մահացել. ինչ է հայտնի

Բերդյանսկի՝ մահափորձի ժամանակ վիրավորված պարետի մահվան մասին տեղեկությունը չի հաստատվել։ Այս մասին այսօր՝ սեպտեմբերի 6-ին, հայտնել է «Մենք Ռուսաստանի հետ միասին ենք» հասարակական միավորման նախագահ Վլադիմիր Ռոգովը, գրում է Кп-ն։
 

«Փառք Աստծո, Բերդյանսկի պարետ Արտեմ Բարդինի մահվան մասին տվյալները հաստատված չեն։ Չնայած նրան, որ նա շատ ծանր վիրավորվել է, ոտքերի պայթուցիկ անդամահատում է ստացել և մեծ արյուն է կորցրել, նա ողջ է։ Բժիշկները շարունակում են պայքարել իր կյանքի համար»,- գրել է Վլադիմիր Ռոգովն իր Telegram-ալիքում:
 

Ավելի վաղ մի շարք լրատվամիջոցներ հայտնել էին, թե Բերդյանսկի պարետը մահացել է մահափորձից հետո ստացած վերքերից։

Հիշեցնենք, որ Բերդյանսկի պարետ Արտեմ Բարդինի մեքենան պայթեցվել է քաղաքի կենտրոնում՝ ռազմաքաղաքացիական վարչակազմի շենքի մոտ, հայտնում է քաղաքապետարանի Telegram ալիքը։ Բարդինը ծանր վիճակում հոսպիտալացվել է:

Ռուսական РИА Новости պետական ​​գործակալությունը՝ վկայակոչելով տեղի իշխանություններին, պարզաբանել է, որ քաղաքային հրամանատարի մեքենան պայթեցրել են, որից հետո փոխհրաձգություն է տեղի ունեցել, և առնվազն մեկ մարդ հայտնվել է հիվանդանոցում։