Միջուկային զինանոցը հզոր Ռուսաստանի պահպանման լավագույն երաշխիքն է: Նման հայտարաությամբ հանդես է եկել ՌԴ անվտանգության խորհրդի փոխնախագահ Դմիտրի Մեդվեդևը: Տեղեկատվությունը փոխանցում է RT-ն:

Այս մասին նա գրել է իր Telegram ալիքում՝ իր կարծիքը հայտնելով ընդհանրապես ցանկացած պետության ինստիտուտների ոչնչացման, ինչպես նաև Խորհրդային Միությունում ստեղծված իրավիճակի մասին։ Նա համապատասխան գրառում է հրապարակել ԽՍՀՄ նախկին նախագահ Միխայիլ Գորբաչովի հուղարկավորության ֆոնին։

Մեդվեդևի կարծիքով՝ միջուկային զինանոցի «պատառոտման» հետևանքները կարող են արագ և աղետալի լինել ողջ աշխարհի համար։

«Ամբողջ ռազմավարական միջուկային զինանոցն այն ժամանակ մնաց մեր երկրում։ Եվ դա մեր կողմից աջակցվում է շատ բարձր մակարդակով։ Եվ սա հզոր Ռուսաստանի պահպանման լավագույն երաշխիքն է»,- ընդգծեց նա։