Դեռ երեկ ՀՀ վարչապետ Նիկոլ Փաշինյանը կառավարության նիստի ժամանակ նշեց, որ կառավարությունը մտադիր է գնալ բուհերի խոշորացման։ Թեման շատ լայն քննարկման արժանացավ, մարդկանց մոտ բազմաթիվ հարցեր առաջացան։ 

Auroranews-ը հասկանալու համար, թե ո՞ր բուհերն են միավորվելու, ի՞նչ է լինելու մասնավոր բուհերի հետ և ի՞նչ են անելու համալսարանների շենքերի հետ՝ վարձակալության կտան, թե՞ այլ նպատակով կօգտագործվեն՝ կապ հաստատեց ԿԳՄՍ մամուլի խոսնակ Գեղամ Մելիքբեկյանի հետ։ 

«Առայժմ որևէ նախագիծ չկա, ռազմավարությունը պետք է ընդունվի Ազգային ժողովի կողմից։ Երբ ընդունվի՝ ձեր բարձրացրած յուրաքանչյուր հարցի մասով կմշակվի գործողությունների ծրագիր»,- նշեց ԿԳՄՍ խոսնակը։